ఆర్టికల్ టుడే, చికాగో:
ఉన్నత చదువుల కోసం అమెరికా వెళ్లిన ఒక తెలుగు యువతి రోడ్డు ప్రమాదంలో దుర్మరణం చెందడం తీవ్ర విషాదాన్ని నింపింది. మేడ్చల్ జిల్లా బాలాజీ నగర్‌కు చెందిన శ్రీను రావు కుమార్తె శ్రీజ వర్మ (23) జీవితాన్ని అర్ధాంతరంగా ముగించింది. కొద్ది రోజుల క్రితమే చికాగో వెళ్లిన శ్రీజ, డిన్నర్ కోసం నడుచుకుంటూ వెళ్తున్న సమయంలో వెనుక నుంచి వచ్చిన ట్రక్కు ఆమెను బలంగా ఢీకొట్టింది. ఈ ఘటనలో ఆమె తీవ్రంగా గాయపడి, తలకు బలమైన దెబ్బ తగలడంతో రక్తం ఎక్కువగా పోయింది. వెంటనే ఆమెను ఆసుపత్రికి తరలించినప్పటికీ, చికిత్స పొందుతూ మృతి చెందినట్లు వైద్యులు ధృవీకరించారు. ఎన్నో ఆశలతో అమెరికా వెళ్లిన తమ కూతురు ఇలా చనిపోయిందన్న వార్త విని కుటుంబ సభ్యులు తీవ్ర దుఃఖంలో మునిగిపోయారు. శ్రీజ మృతదేహాన్ని వీలైనంత త్వరగా స్వదేశానికి రప్పించేందుకు అధికారులు ఏర్పాట్లు చేస్తున్నారు. ఈ ఘటనతో ఆమె కుటుంబ సభ్యులతోపాటు, స్నేహితులు కూడా విషాదంలో ఉన్నారు.
అమెరికాలో ఘోరం – హైదరాబాద్ యువతి దుర్మరణం
